Фіньско од днешнёго вечера зась цалком запре – аж до 14. януарa – свої граніцї з Росіёв. Ознамила то у четверь фіньска міністерка внутрїшнїх дїл Марі Рантаненова, а то лем дакілько годин по тім, як Гелсінкы два з гранічных переходів отворили. Ку повторюючому запертю приступує Фіньско про прудке підвышіня приходячіх міґрантів, котре означіло за ,,гібрідный атак“ з боку Росії. TASR перевзяла справу з аґентуры AFP. Вшыткы переходы будуть заперты од днесь 20.00 г. містного часу аж до 14. януарa, увела Рантаненова.

(TASR, Шутіова)