Плановане зрушіня ключовых протикорупчных штруктур на Словакії і його наслідкы про правный штат были вчера підвечур предметом діскусії посланців Европского парламенту (ЕП) з европскым комісарьом про справодливость Дідіером Раидерсом. Інформує о тім пресаґентура TASR. Діскусія  была заміряна на пропозиції змін в трестнім законі, котры предложыла влада СР. Посланці діскутовали з комісярьом о пропонуванім зрушіню Уряду шпеціалной прокуратуры, але і о можнім змірніню санкцій за корупчну і іншу карну діятельность на Словакії. До розправы ся приголосило 33 діскутуючіх, вєдно 12 зо 14 словацькых европосланців. Европска комісія (ЕК) незавагать засягнути проти Словацькій републиці хоцьякым способом вєдно обмеджіня еврофондів, як бы крокы влады ведженой премєрьом Робертом Фіцом в області правного штату порушовали правила ЕУ, увів в рамках розправы Реиндерс. (TASR, Pkf)