Народна далнична компанія (NDS) вчера зрушыла верейне змаганя на зготовителя скоростной дорогы R2 Rožňava – Jablonov nad Turňou, котров частьов є і тунел Сорошка. Были о тім інформуваны вшыткы заінтересованы. Змаганя было выголошене 31-го децембра 2019-го року. Далничаре о тім інформують на своїм інтернетовім сайті. Народна далнична компанія як причину того кроку увела, же верейне обстараваня было выголошене без правоплатного ставебного поволіня, єдночасно в змыслі заданой документації не є можне здобыти ставебне поволіня, і так є проєкт в змыслі документації нереалізувательный.  (TASR, Pkf)