Як інформовав Пресовый центер Кошыцькой єпархії, другый юновый вікенд в стародавнім ґрекокатолицькім путницькім місці в Клокочові зышло ся сім священиків з цілой митрополії, жебы вєдно подяковали ся за дар священства, котрый прияли 6-го юна 1993-го року з рук владыкы Йоана Гіркы. То послідній річник священиків, котры наступили до семінарії іщі за тоталіты. О сітуації свідчіть і факт, же днешній протосінкел Братіславской єпархії отець Владимір Скиба голосив ся до семінарії 11-раз. На стрічі брали участь і жены священиків, котры так само дяковали за вшытко, што почас тых 30-ох років пережыли.

(Медвідь, TSKE)