Недалеко Спішского граду днесь одштартовав юбілейный 10-ый рочник културно-духовного фестивалю Дні Спішского Єрусалима. Член орґанізачного тіму Владімір Олейнік з єпископства в Спішскім Подграді інформував, же навщівникам в часі трьох днів окрім іншого понукнуть два концерты храмовой гудьбы і дві театралны продукції. Верьхом суботняйшого проґраму буде концерт співачкы Катаріны Кошчовой і домінантов недільньой понукы выступлїня капелы Pressburger Klezmer Bend, котра грать в стилі жыдовской гудьбы. Новинков тогорічного фестивалю буде модерована діскусія на тему путованя. На тогорічных  Дньох Спішского Єрусалима небудуть хыбати ани традічны проґрамы, як наприклад службы божы, сценічне оформленя пашіовых подій ці теренны екскурсії по природных і културных памятках. (TASR, Pkf)