Ґенерална директорка Орґанізації зъєдиненых народів про освіту, науку і културу (UNESCO) Одрі Азулайова в понедільок вызвала новозволеного америцького презідента Джоа Байдена, жебы Споєны штаты знова припоїли ся ку меджінародным інштітуціям, головно ку UNESCO. Інформовала о тім аґентура AFP. За словами Азулайовой ґлобалны вызвы днешнього дня собі выжадують обновити обовязок Споєных штатів у области наукы, освіты і културы. Споєны штаты выступили з орґанізації на кінцю 2018-го року, і обвинили єй із необєктівной позіції односно Ізраіля. Вашінґтон жадав фундаменталну реформу і уж в 2011-ім році позаставив фінанчны вклады на протест проти уділіня повноцінного членства палестіньскій делеґації.

(Медвідь, TASR)