Посланецька снімовня Парламенту ЧР одобрила  у вівторок продовжіня нудзового ставу в Чеську о дальшых 30 днів, а то до 22-го януаря. Інформував о тім портал справодайской телевізії ČT24. Пропозицію продовжыти нудзовый став до 22-януаря підпорило 55 зо 104 прытомных членів Посланецькой снімовні. За были посланці ANO, ČSSD і векшына комуністів. Жадость о продовжіня нудзового ставу предложыв міністер здравотницьтва Ян Блатный. Підкреслив, же знова прибывать хворых і є потрібне забранити переповніню шпыталів. (TASR, Pkf)