Франція в понедільок в ночі знова мобілізовала 45 тісяч поліцайтів, котры мали быти насаджены в припаді непокоїв. Влада інформовала, же сітуація ани здалека не є стабілізована, хоць волна ґвалту змірнила ся. Міністер внутрішніх справ Жералд Дарманін повів, же будуть насаджены і шпеціалны силы а опанцірованы возы, жебы помочі дістати сітуацію під контролю. Приобіцяв так само підпору подникателям, котрых постигло рабованя і ничіня. Простесты у Франції почали минувшый тыждень у вітірок по застріліню 17-річного хлопця алґерійского походжіня при контролі на дразі. Уряды в країні од початку протестів затримали понад 3000 людей.

(Медвідь, TASR)