Тыжденны ярьны вакації собі по школярях зо середньой Словакії ужыють од днешнього дня діти з Кошыцького і Пряшівського края. К навчаню ся вернуть знова в понеділок 4-го марца. Тыждень вольна є уж традічно розділеный подля країв на три терміны. Минулый тыждень собі як першы в школскім року 2023/2024 ужыли ярьны вакації школярі основных і середніх школ з Банскобыстріцкого, Жілінского і Тренчанского края. Як послідні будуть мати ярьны вакації школярі з Братіславского, Нітраньского і Трнавского края і то в терміні од 4-го марца до 8-го марца. Посліднім вольном про школярів перед літніма вакаціями будуть великодны вакації. Школярі будуть од школы оддыховати од 28-го марца до 2-го апріла. До школскых лавок ся вернуть в середу 3-го апріла. (TASR, Pkf)