Універзіта Коменьского (УК) в Братїславі отворила інфоцентер інтернатів в Млиньскій долинї. Інформує о тім на своїй вебовій сторінцї з тым, же уквартелёваны там здобудуть поміч при рїшїню їх вопросів і неясностей. ,,На зачатку лїтнёго семестра сьме у вестібулї Штураку отворили станок інфоцентра інтернатів УК. Ёго цїлём є зефектівнити комунікацію, скоріше рїшати імпулзы і забезпечіти позорніше наслухованя голосу уквартелёваных,” увели з універзіты. Ку лїпшій інформованости на інтернатох бы подля їх слов мали приспіти і налепкы з найважнїшыма контактами, котры протягом зимы дістрібуовали до каждой ізбы.

(TASR, Шутіова)