Чеськы коаліції Сполу і ПірСтан ся договорили на коалічнім договору, проґрамовім выголошіню будучой сполочной влады і на перерозділіню міністерьскых резортів. На вчерайшій пресконференції то ознамив председа коаліції Сполу і кандідат на нового премєра Петр Фіала, інформував чеськый Денік Н. Ознамліня было опубліковане по веце як 12-годиновім вчерайшім їднаню. Фіала єдночасно повів, же госпіталізуваный презідент ЧР Мілош Земан му через градного канцелара Вратіслава Млинаря одказав, же ся з ним зыйде зразу, як буде переложеный на класічне одділіня в шпиталі з єдноткы інтензівной старостливості. (TASR, Pkf)