Недільны цестовны порядкы примістьского автобусового транспорту в окресі Стара Любовня ся од 1-го юна приспособять влаком. Пряшівськый самосправный край в сполупраці з IDS Východ приступили к управам у звязку з вынятковов змінов ґрафікону влакового транспорту, котрый платить од 2-го мая і дотулять ся приходу на інтернаты до Пряшова, Кошыць і Попраду. Пресаґентуру TASR о тім інформувала говоркыня края Даша Єленьова. Як доповнила Єленьова, іде і о звышіня капаціты влаку зо Старой Любовні через Плавеч до Пряшова і Кошыць, чім ся вырішыв недільный приход штудентів зо Старой Любовні і зо села Чірч на інтернаты до обідвох крайскых міст. Список вшыткых, і тых новых автобусів зо Старой Любовні є опублікованый на інтернетовім сайті ПСК. (TASR, Pkf)