Найменше десять людей прийшло днесь о жывот і дальшых 57 потерпіло пораніня при громадній гаварії на далниці на северозападі Турції. Інформує о тім аґентура AP. К гаварії семых авт і трьох автобусів дошло на далниці в провінції Сакариа, скоро 150 кілометрів од Істанбулу. В часі нещастя была в області густа гмла і мала видность. Прічіны гаварії ся досліджують. Уряды собі думають, же дакотры жертвы вмерли по тім, як выступили зо свого авта і зразило їх інше авто. Сім людей є в крітічнім ставі. (TASR, Pkf)