Орґанізація Споєных народів, котра в сучасности здружує 193 держав, взникла 24. октобра 1945. Єй передходкыня, Сполочность народів, взникла на основі Версаілского контракту з року 1919 а заникла в роцї 1946. ОСН взникла по тім, як вступила до платности Харта ОСН. Днесь прошло од той подїї 80 років. Валне згромаждїня ОСН схвалило 6. децембра 1971 резолуцію, на основі котрой ся 24. октобер став Днём ОСН. ,,Вісемдесять років сьме довєдна робили на будованю міру, бою проти худобі і голоду, пересаджованю людьскых прав і будованю утримателнїшого світа. При поглядї до будучности челиме вызвам великого розсягу – ескалуючі конфлікты, кліматічный хаос, забігнуты технолоґії а грозьбы про саму штруктуру нашой інштітуції. Теперь, веце як хоцьколи передтым, ся світ мусить зас завязати ку рішїню проблемів, котры жаден народ не годен вырїшыти сам,” апеловав у своїм посолстві з нагоды 80. юбілеа взнику ОСН єй ґенералный таёмник Антоніо Ґутерес.

(TASR, Шутіова)