Вонкайше модерне ігріско на посильнёваня прибыло в ареалі Основной школы на улиці Ческословенской армії в Пряшові. Выдавкы на выставбу ігріска были нецілых 23 тісяч евр. За словами говоркыні міста Пряшів Веронікы Кметоны Ґаздовой, нове ворковтове ігріско давать можность модерным способом собі зашпортувати і утримати ся в добрій физичній кондиції. Ігріско мать три становиска с безпечностным поверьхом. Перше є призначене про “зогрітя тіла, ног і баланс“, друге на поупражняня свалів бріха і хрбета а третє на упражніня на рукы. Кажде становиско є доповнене о інформачны таблиці с подробным пописом інштрукцій, як треновати на єднотливых елементах ігріска.
(Петро Кімак-Фейко)