Ґенералный секретарь NATO Йенс Столтенберґ днесь перед зачатком сумміту Аліанції попередив на згоршуючі ся односини з Російов і звышыючім ся впливу Китая. „Нашы односины з Російов суть на найнижшім пункті од кінця студеной войны,“ повів Столтенберґ новинарям в Бруселі, де ся днесь одбывать сумміт NATO. Причінов суть подля Столтенберґа “аґресівны“ крокы Росії. Як далі повів, „Є пересвідченый, же лідры NATO потвердять свою позицію к Росії заложену на сілній обрані в комбінації з діалоґом.“ Темов сумміту буде і позиція NATO ку Китаю, з котров западны союзници подля Столтенберґа, правда, не суть в ставі студеной войны, пише аґентура AFP, але будуть мусітися  пристосувати новым вызвам з боку Пекінґу. (TASR, Pkf)