Україньскый презідент одобрив у вівторок в першім чітаню пропозіцію закона, у звязку з котрым будуть грозити покуты ці арешт людям за то, же нароком поужывають або вырабляють фалошну леґітімацію о очкованю проті новому коронавірусу. Як пише аґентура Reuters, Україна хоче такымто способом бойовати проті рекордному чіслу інфікованых і жертв ковіду. Україна апліковала повинне очкованя про дакотрых штатных робітників і в тзв. червеных зонах вєдно метрополы Київ мають вступ наприклад до рештаврацій ці верейного транспорту поволеный лем заочкованы людь ці особы з актуалным неґатівным выслідком тесту. Тоты опатріня вели к розмаху чорного рынку з фалошныма ковідовыма цертіфікатами, причім поліція досліджує стовкы сітуацій такых підфуків. (TASR, Pkf)