В Пряшові проходить вызначна шпортова подія – 16-ый річник фотбалу „Fragaria Cup“. На тогорічнім змаганю бере участь 168 фотбаловых команд із 14 країн Eвропы. Змаганя проходить в 8-ох віковых катеґоріях – хлопців oд 8 до 15 років і єдной катеґорії дівчат дo 15 років. Фотбаловы змаганя ся грають на 16-ох грісках Пряшова і близкой околіці. Послідні фіналовы змаганя суть планованы на четверь 6-го юла, коли ся одбуде святочне выголошіня і декорованя переможців. За 15 років єствованя того змаганя Пряшів привітав веце як 50 тісяч молодых фотбалістів і фотбалісток із 27-ох країн.
(Анна Кузмякова)