Звірята потребують в горячіх місяцох сталый приступ ку водї, тїнь і черствый воздух. Звертать на то увагу обчаньске здружіня Слободы звірят, котре бігом горичав неодпоручать прогулькы зо псами ани їх переправу. ,,Асфалтовы плохы знають быти бігом дня такы горичі, же собі на них можути попалити лабкы,” высвітлює председничка Слободы звірять Павла Дуґовічова. В автї ся зась подля нєй може звіря легко перегріти, зато го там не одпоручать зохабляти за жадных околностей. Кедь ся звіря перегріє, подля Дуґовічовой ся то переявить зтяженым дыханём і звышенов сердцёвов фреквенціёв. ,, Терпяче звіря реаґує на хоцьякы імпулзы барз слабо або скоро вобец, може упасти до замлїтя, може пособити дезорєнтовано і годно надмірно слинити,”описує Дуґовічова. Такым звірятам одпоручать понукнути черству воду ізбовой теплоты, припадно намочіти околїцю коло пыска. Барз важнa є тыж скрыша перед сонцём. ,,Звіря охолодьте намочінём бріхa, лабок або слабин. В жаднім припадї необливайте цїле тїло холоднов водов, поужыйте навовгченый утерак,” додала.        (TASR, Шутіова)