Выходом Словакії ся у четверь перегнали силны бурї. Пришли з Польщі, наперед засягли Пряшівскый край, пак ся пересунули до Кошыцького. Продовжовали направлїнём на юговыход, до Мадярьска і на Україну. Спроважаны были силныма, місцями і пріваловыма зражками. На многых місцях падали і крупы. В Кошыцях мали місцями розмір пінґпонґового лоптяти. На дакотрых місцях были такы великы, же на автах розбияли облакы і на капотах вытваряли проглубины. Крупы нетрадічных розмірів падали і в Попрочі. Найвекшы там мали діаметер приближно сім центіметрів.

(KORZAR, Шутіова)