Астрономічный обсерваторій в Колоницькім сідлі в окресі Снина од 9-го юна нукать навщівникам нову атракцію. Мобілна Астрономічна Ротачна Станіця (М.А.Р.С.), так ся называть заряджіня на позорованя ночного неба і звізд з пологовательных кресел на круговій конштрукції, з котров ся дасть обертати. Інформували о тім Т. Русинкова з Вігорлатьской звіздарні з тым, же заряджіня Колоніця М.А.Р.С. є дімензоване про 20 особ. На возику є 20 обертаючіх кресел, котры служать на комфортне хоснованя заряджіня. „Вдяка обертаючій плошіні навщівници можуть слідовати обєкты звізд на цілім ночнім небі,“ доповнила Русинкова. Проєкт быв фінанцованый з Проґраму Інтерреґ V-A, Польща-Словакія 2014 – 2020 в рамках проєкту Весмір на долони з пятьпроцентнов співучастьов Пряшівского самосправного краю. (TASR, Кузмякова)