Полiція не зареґістровала у звязку з публічныма протестами, котры ся вчера у вечернім часі одбыли в многых містах, ниякы нарушіня публічного порядку ани інциденты, котры бы собі выжадали реалізацію поліцайных поступів. Участникам протестів подяковала за достойный поступ і коректный приступ. Інформовала о тім на соціалній сіті. „В Братіславі полiція доглядала на поступ протесту з участьов приближно 13.000 особ. У выходословацькій метрополі Кошыцях на протестох брало участь понад 3000 особ,“ приближыла полiція. В крайскых містах, як Пряшів і Баньска Быстриця, одгадує участь на скоро 1000 особ, в Жіліні на 1400. В Тренчіні, Лученці і Кежмарку, подля полiції, на протестох было коло 300 особ. Полiція доглядала і на протестох наприклад в містах Сеніца і Бардiйов, на котры прийшло, подля ньой, коло 150 особ. (TASR, Пкф)