Україньскый презідент Володимир Зеленьскый, наперек войны з Російов, ознамив высшы заробіткы про учітелів і штіпендії про україньскых штудентів в будучім році. Пише о тім  аґентура DPA. „Приказав єм, жебы были вшыткы соціалны обовязкы нашого штату сповнены і жебы ся звышыла підпора людей,“ повів у вчерайшім відеоприговорі. Як дале Зеленьскый повів, же жрiдла на то суть к діспозиції. Україньска влада, то значіть, дeнь перед його высловами  докінчила пропозицію розрахунку на далшый рік. Тот предпoкладать дефіціт 18,4% грубого домашнього продукту, приближно 40,5 міліярд евр. Выдаткы ся мають звышыти приближно о 8,5 міліярд евр. Києв очікує плачіня зо заграніча скоро 43 міліярд евр, што представлює 43% розрахунку. (TASR, Пкф)