Російскый презідент Володимир Путїн і окремый высланець америцького презідента Доналда Трампа Стіві Віткофф протягом їх недавного рокованя в Кремлю діскутовали о міровім закончіню войны на Українї на основі прінціпіалных догод, котры Путїн досяг з Трампом на їх авґустовім самітї на Аляшцї. В пятніцю подля аґентуры TASS повторяв порадца російского презідента Дмітрій Ушаков. Трамп і Путїн бы ся подля ёго слов могли стрїтити уж в близкій будучности, інформує TASR. Путїнів порадця в пятніцю про канал Звезда подля TASS повів, же в ключовых рокованях, на котрых ся подїлять і шеф Кремля, быв досягнутый покрок а же Росія є приготовлена дале кооперовати зо США на рішіню конфлікту на Українї. Порадця тыж обвинив Европу, же все передкладать пожадавкы, котры суть про Москву неприятельны а не приспівають ку закончіню войны. Росія моментално чекать на одповідь США по віторковых розговорах меджі Путїном і Трамповым высланцём, додав Ушаков.

(TASR, Шутіова)