Адміністратіва америцького презідента Доналда Трампа у четверь ознамила далше спріснїня своёй іміґрачног політікы. Новым превентівным кроком хоче скоротити платность робочіх поволїнь про вбіженцїв, жадателїв о азіл і далшых міґрантів з первісных пятёх років на 18 місяцїв. Подля Уряду про обчанство і міґрацію уможнить зміна частїшы контролї чуджінцїв в державі. Денник The Wall Street Journal інформовав, же управа ся дотулить стовок тісяч людей а овливнить і фірмы, котры суть на тій робочій силї завислы. Аґентура DPA припоминать, же вопрос міґрації є єдным з головных пріоріт Трамповой адміністратівы.

(TASR, Шутіова)