x

В Гуменнім діґіталізують гробовы місця

00

Гуменьскый цінтерь ся зарадив скоро к 30-цї здіґіталізованых цінтерїв на Словакії. В рамках діґіталізації цінтеря было ґрафічно спрацованых веце як 5800 екзістуючіх гробовых місць. Тоты были робітниками технічных служеб міста Гуменне одфочены з трёх боків. Близкы так свого небіщіка можуть найти посередницьтвом выглядаваня на сторінцї slovenskecintoriny.sk із шпеціалным проґрамом, котрый фотоґрафії спрацовав і наслїдно были доповнены інформації о небіщікови, ёго мено, презвіско, датум народжїня, датум смерти і таксамо доба пронайму гробового місця. Інформовала о тім Міхаела Доханова з тлачового реферату Містьского уряду в Гуменнім. Дале додала, же „проґрам дає можность выглядаваня подля рїзных катеґорій в части зоснулых на діґіталній мапі, напр. подля мена небіщіка, датуму смерти ці тіпу гробу. Проґрам таксамо уможнює друковати выступы змлув о пронаймі гробового місця, додатків, выповідей зо змлув ці упомінок про заплачіня за гробове місце. На основі закона GDPR о охранї особных даных є ту і можность заказу зображованя даных о небіщікови. До будучности мають технічны службы в планї доповнити ку каждому гробовому місцю ай GPS сурадніцї ці LED панел умістненый на домі смутку, жебы простїше было выглядавати небіщіків“, доповнила Доханова.
(Korzár)