Рост словацькой економікы мать быти в тім року на уровні 4,2 %. Выходить то з найновшой середньочасовой предікції Народной банкы Словеньска, котра на рік 2018 зліпшыла одгад росту грубого домашнього продукту (ГДП) о 0,2 перецентуалного пункту против попередній предікції. В року 2019 бы дінаміка ГДП мала кулміновати на уровні 4,3 %, а то впливом зачатя продукції новой автомобілкы. Словацька економіка бы ся мала і впливом цікліцького ослабуваня спомалити на 4 % в року 2020 а 3,1 % в року 2021, коли бы мали одзвучати ефекты оглядом на автомобіловый промысел.
(TASR)