Платы вояків слідуючій рік будуть роснути. Міністерство обороны приготовлює нову леґіслатіву на управу оціньованя професіоналных вояків. Резорт тым хоче подля міністра обороны Петра Ґайдоша затрактівніти тоту професію. Інформовав о тім на вчерашній пресконференції. „Наповно собі усвідомлюєме, же треба нам зліпшыти атрактівіту воєньской професії і быти веце конкуренціїспособнішыма на робочім рынку. Далше одкладаня рішіня сучасного, жаль, непрязного стану в области оціньованя і далшых бенефітів бы могло скінчіти важным проблемом в рамках далшого доповньованя воєньского персоналу,“ повів міністер. В новім році бы мали быти платы вояків на уровни середньой мзды в народнім господарьстві. Подля слов міністра пороснуть в смыслі валорізації о десять процент і по приготовльованых змінах о далшых майже 300 евр.
(Медвідь, TASR)