x

Фінландія є подля премєра про Словакія іншпіраційов

00

Фінландія є про Словацьку републіку іншпіратівна в многых областях. В понедільок то сконштатовав на пресконференції словацькый премєр Петер Пеллеґріні по тім, як прияв фінландійского председу влады Югу Сіпілего. Тоту іншпірацію бы хотів Пеллеґріні слідуюшій рік перемінити до діскусій і представліня візій Словакії на далшых 25 років. „Великов областьов, де бы сьме хотіли надвязати барз інтензівну і тісну співпрацу з Фінландійов є область утримательного лісницьтва. Фінландії ся подарило представити проєкт утримательного лісницьтва і я буду барз радый, кедь експерты із Словацькой републікы будуть годны тісно комуніковати з фінладійсков сторонов, жебы сьме по взорі Фінландії, котра є в тім лідром, могли поступати і мы і нашлы правилный баланс меджі тым, як наше природне богатство хоронити і на другім боці як го ефектівно і розумно в будучности хосновати,“ повів премєр. Сіпіле навщівив Словакію в повязаню з тым, же Фінландія занедовга возьме презідію в Раді Европской унії. Подля словацького премєра хоче Фінландія почас свойой презідії інтензівно бісідовати і о різных формах солідаріты в области міґрації.
(Медвідь, TASR)
Фото: TASR