Скавты оддали вчера презідентові СР Андрейові Кіскові в Попраді Бетлегемске світло. То мать за словами головы штату у них дома честне місце на столі. Як далі повів про новинарїв, „Є про мене великым потішіньом, же знова по року єм ту в Попраді міг привітати скавтів, котры принесли світло з Бетлегема, скавтів, котры о дакілько мінут підуть по цілій нашій країні, абы тото світло з місця народжіня Ісуса принесли по можности до чім векшого чісла домашности на цілій Словакії.“ Словацькы скавты принесли Бетлегемске світло з австрійского Лінцу в суботу. За інформаціями коордінатора Бетлегемского світла на Словакії Маріяна Сувака, в часі посліднього вікенду перед Щедрым дньом будуть скавты рознашати влакми світло по цілій країні і принесуть го до вецей як 330 міст і сел і завітають на Ломніцькый щтіт. Бетлегемске світло як симбол покоя і ласкы в тім року словацькы скавты, котры на стовкы беруть участь на даній події, го шырять по Словакії уж по 29-ый раз.
(TASR)
Фото: TASR