Засїданя Страны европскых соціалістів, яке ся вчера одбыло перед самітом Европской унії, было першов стрічов премєрів одтогды, як тота страна схвалила поступ выберу свого кандідата на пост председу Европской комісії. Председа ЕК про Енерґетічну унію Марош Шефчовіч на стрічї підтвердив свій замір кандідовати на пост шефа екзекутівы ЕУ. На засїданю страны брав участь і словеньскый премєр Петер Пелеґріні. Премєры діскутовали о процесї выберу кандідатів. О конкретных менах подля Шефчовіча на засїданю не говорили, хоць він сам підтвердив свій інтерес о кандідатуру. Шефчовіч, як єдиный дотеперь знамый кандідат соціалістів на пост шефа екзекутівы ЕУ, ся буде намагати здобыти в рамках страны достаточну підпору до октобра, коли бы мала страна офіціално передложыти кандідатів.
(TASR, Цітрякова)