Наповнити думку сельского музея з презентаціов давнішого жывота нижньой части Полонин в пригранічній области, ся селу Стащін у Сниньскім окресі подарило приближні по семох роках. По неуспіху зо жадостьов о дотацію на його реконштрукцію позберали історічны артефакты і зреконштруовали невыужыту сельску будову властныма силами. І хоць музей офіціалні одкрыли в новембрі 2020-го року, в часі ослав вызволіня села, першых навщівників  привітали аж в апрілю, по увольніню пандемічных наряджінь. Векшый інтерес з боку людей о історічны артефакты, то значіть о сельскый музей, очекує ініціатор думкы і днешній староста Мірослав Бобер в часі літньой сезоны.  (TASR, Pkf)