Міністер загранічных діл і европскых справ СР Юрай Бланар (Смер-СД) одыйшов вчера до Бруселу на засіданя Рады Европской унії про загранічны діла. Шефове діпломації днесь діскутують о войні на Україні, ескалаючій сітуації на Близькім выході і односинах Европы і Китая. К єднотливым їднаням ся прилучів і україньскый міністер загранічных діл Андрій Сібіга ци діректор Справодайского і сітуачного центра Европской унії Даніел Маркіч. Пресаґентуру TASR о тім інформовав комунікачный одбор Міністерства загранічных діл і европскых справ  СР. Міністер ся окрім того стрітне в рамках робочого програму і з чеськым міністром загранічных діл Яном Ліпавскым і австрійсков міністерков про европскы і меджінародны діла Беатов Майл-Райсінґеровой. Продіскутує з нима сполупрацю в реґіоналнім зґрупованю Славковскый формат. Діскутувати будуть і планах на перебраня председницьтва споминаного форматом од Чехії, што ся мать одбыти 1-го юла.  (TASR, Pkf)