Брітаньскый премєр Борис Джонсон быв согласный в понедільок з одкладом такзваного брексіту о три місяці, інформовала аґентура Associated Press. Но єдноасно апеловав на Европску унію, жебы вже Великобрітанії не дала жаден далшый одклад. Решта членьскых держав Унії схвалила в понедільок одклад брексіту до 31-го януара. Є то флексібілный одклад, Лондон може одыйти і скоріше. Джонсон хотів, жебы ся у Великобрітанії зробили передчасны выборы, і жебы нова влада докінчіла одход кральовства з Европской унії. Вольбы хотів премєр 12-го децембра. Нижня сеймновня брітаньского парламенту тото в понедільок вечур не схвалила. Опозічны партії подля аґентуры твердять, же хотять вольбы, но не при условіях Джонсона. Тот повів, же спробує досягнути вольбы іщі раз за помочі нового закона.

(Медвідь, TASR)