На шпеціалізованім трестнім суді (ŠTS) в Пезінку ся зачало главне поїднаваня з бывшым шпеціалным прокутратором Душаном К. Тот протівостоїть обвініням з многых трестных поступків. Поїднаваня є наплановане на веце днів. Колышнього шпеціалного прокуратора перевезла ескорта  днесь рано. Самосудкыня ŠTS Памела Залеска выслухала двох свідків, а то члена ґрупы такачівців Матея Земана і подникателя Віліама Ружічку, приятеля Душана К.  Законна судкыня ŠTS Залеска становила і термін главного поїднаваня на 7-го аж 9-го і потім на  13-го і 15-го юла. Бывшый шпеціалный прокуратор Душан К. одмітнув пропозицію самосудкыні Шпеціалного трестного суду в Пезінку Памелы Залеской на підписаня договору о вині і тресті. Прокуратор Уряду шпеціалной прокуратуры так приступив к чітаню обжалобы і  такым способом ся продовжувало в главнім поїднаваню. (TASR, Pkf)