x

Конвої каміонів одважали зерно з фарем южной Україны на Крім

00

Новы сателітны заберы указують, же російска накладна лодь повна зерна, як повідають, украдженого з україньскых фарм приплавала до сірьского приставного міста Лазікійа на берегах Середоземного моря – є то уж друга така додавка за послідні штирі тыждні. В неділю о тім інформував портал америцькой телевізії CNN. CNN уж перед тым інформувала, же конвої каміонів одважали зерно з фарем южной Україны на Крім, котрый Росія анектовала в року 2014. Україньскы уряды в часі того місяця одгадли,  же російскы силы в окупованых областях сконфішковали высше 400.000 тон зерна. Про Росію є зерно атрактівным сортом товару. Ціна зерна ся на світовых торгох погыбує коло 400 доларів за тону і тот рік ся прудко звышыла. (TASR, Pkf)