В недільняйшых комуналных вольбах в Мадярьску ся потвердило, же владный Fidesz-KDNP є і надалше найміцнішым політічным блоком в Мадярьску. Повів то премєр Віктор Орбан, котрого цітовала аґентура MTI. В повязаню з прогров владного кандідата Тарлоша у вольбах на посаду старосты Будапешту, де выграв опозічный кандідат Ґерґель Корачонь, Орбан підкреслив, же владный блок не забуде, же Тарлош в попередніх девятьох роках як староста вывів столицю з крізовой сітуації. Fidesz-KDNP має надалше векшыну в 13-ох заступительствах міст зо жупным правом, в 19-ох жупных заступительствах выграв владный блок. В катеґорії міст з понад 5000 жытелями буде в 147-ох містах пріматор владного блоку, што є веце як половина. В 14-ох із 23 будапештяньскых містьскых районів здобыли посаду старосты опозічны кандідаты.

(Медвідь, TASR)