x

SaS іSme rodina не підпорять новелу закона о політічных партіях

00

Опозічны партії SaS іSme rodina не підпорять новелу закона о політічных партіях, котров хотять депутаты партій SNS і Smer-SD запровадити ліміты на членів про партії кандідуючі у выборах до Народной рады і Европского парламенту. Подля опозічных політіків ся тым хотять владны партії збыти конкуренції. „Веру то за недемократічне. Условієм про тото, жебы політічна партія дістала ся до парламенту, мусить быти достаточна підпора гражданів, котрых тота партія заступать, а не кількость членів. Є то лем безнадійный бой проти выникнутой конкуренції тым партіям, котры таку пропозіцію подавають. Істото не підтримеме,“ повіла Яна Кішшова із SaS. Пропозіція закона встановлює, же выконный орґан партії має мати холем 9 членів, участь у споминаных выборах обовязує мінімалнов кількостьов членів. Новела має заборонити і купованю партій, завести мораторіюм на зміну назвы партії і управити господаріня з фінанчныма дарами. Не встановлює, кілько мусить мати партія членів при основаню.
(Медвідь, TASR)