Выходна Словакія почала співпрацу із Закарпатьсков областьов Україны в области транспорту. Сполочный проєкт заміряный на актуалізацію і створіня скапчаного моделу транспорту має овпливнити можливости подорожіня меджі тыма країнами – од автобусів аж по штреку. IDS Východ (Інтеґрована сістема транспорту Выход) вєдно із партнерами із Україны – Інштітутом розвитку Карпатьского реґіону і Службов обновы і розвитку інфраштруктуры в Закарпатьскій области, наштартовали проєкт OTRACON SK-UA. Проєкт має подля IDS Východ принести співпрацу меджі Словакійов і Українов у области мобіліты і транспорту. Цільом є гармонізовати транспортны споїня і вєдно плановати гранічны переходы про вшыткы тіпы транспорту – влакы, автобусы і містьскый транспорт в Кошыцькім і Пряшівскім самосправнім краю. IDS Východ уможнює путуючім на єден листок путовати посередництвом вшыткых доступных тіпів публічного транспроту з тым, же мож меджі нима переступити, жебы дістати ся до ціля купленого листку. (ЛЕМ.ФМ, Пкф)