x

Ізраїльска армада пояснила зваліня вышковой будовы в пасмі Ґаза

00

Ізраїльска армада по своїм контраверзнім наліті на будову з редакціями медій в палестиньскім пасмі Ґазы з перед пару тыжднів подрібно выпрацювала і пояснила причіны знічіня вышковой будовы. Інформувала о тім  пресова аґентура DPA. Радікалный палестиньскый рух Гамас робив  в будові на технолоґії, котра мала нарушыти фунґованя протіракетового сістему Ізраїля з назвом  Желізна купола, увела армада у вівторок у выголошені. Додала, же в будові  было на тот ціль уложене шпеціалне заряджіня. Подля армадного выголошіня было тото заряджіня можне знічіти зваліням вышковой будовы. (TASR, Pkf)