Одбораром ся подарило вызберати 135.000 підписів к петиції за референдум о такзванім зостропованю пензійного віку. За словами міністра праці Яна Ріхтера, бы то міг быти про посланців сіґнал, же люди ся о даній проблематиці інтересують. До парламенту пропозицію на уставне такзване зостропованя пензійного віку дав коалічный Смер-СД. На дальшім засіданю парламенту, то значіть 11. септембра, буде голосувати пленум о посунутю пропозиції до другого чітаня. Як далі повів Ріхтер, „є реалне, же до кінця того календарного рока ся одбором подарить здобыты потрібных 350.000 підписів на выголосіня референдума.“