Обіды про вшыткых учнів основных школ о послідніх рочників матерьскых школ бы мали быти бесплатне од 1. януаря 2019, увів то вчера вчасі свойой пресконференції председа партії Смер-СД Роберт Фіцо. Тото соціалне опатріня партії Смер-СД ся дотулять групы дітей, котра представує скоро 516.000 учнів основных школ і послідніх рочників матерьскых школ. Як далі Роберт Фіцо повів, „Головно на другім ступені школ є участь дітей на стравовані низька, є на уровні коло 50 – 60 процентів.“ Як далі повів, кажда дитина бы мала достати од штату 1,20 евр на день на стравованя і штат то буде докопы стоять скоро 117 міліонів евр. В припаді, же ся бесплатны обіды в наслідуючім року освідчать, партія буде роздумувати о аплікації даного опатріня і про штудентів середніх школ.
(TASR, Кімак-Фейко)