Европска комісія представила вчера пропозицію бютжету Европской унії (ЕУ) на рокы 2021- 2027, котрый з найбівшов правдеподобностьов поведе до спору меджі членскыма країнами о тім, якым способом заплатать діру, котра взникне в розрахунку по одході Британії з ЕУ. З причины брексіту выпаде з розрахунку по року 2020 річно коло 12 міліярд евр. Европска комісія представила розрахунок у высшкі скоро 1,14 біліонів евр, што представує 1,11% цілкового економічного выкону 27 штатів Европской унії. Што ся дотулять єднотливых часті, пропозиція нового розрахунку, першого на многорочный період по одході Британії з ЕУ, рахує з пониженям фінанцій про аґросектор, а то приближні о 5 % против днешньому розрахунку. Наспак, пропозиція збівшує выдавкы на дослідженя, вывой і технолоґії, заграничну помічь ці безпечность і охрану границ ЕУ.
(TASR)