Братіславска рафінерія Slovnaft мусіла про гіршу якість понижыти множество спрацюваной алтернатівной ропы додаваной через роповод Адрія. Пресаґентурі TASR то потвердила Татяна Новотна з комунікачного одділіня сполочности. Клєнты на Словакії бы немали споминану сітуацію подля ньой почути. Slovnaft зачав поужывати ропу од алтернатівных додавателів наперек тому, же Словакія мать од Европской унії выїмку з ембарґа на спрацюваня російской ропы транспортованой роповодом Дружба. Продукты зо споминаной ропы але неможе окрім двох выїмок, і то Чехії і Україны, експортувати. Прото спрацювавать і ропу інпортовану танкерами до Хорватії, одкы ся ропа до рафінерії транспортує роповодом Адрія.  (TASR, Pkf)