Гуменне буде мати од септембра новый порадный орґан з рядів молодежі. Містьскый молодіжный парламент, котрого вытворіня і штатут одобрили містьскы посланці на своїм засіданю 29-го юна, мать подля слов  ініціятора проєкту Мартіна Рушчанского помочі місту і молодежі. Імпулзом к вытворіню містьского молодіжного парламенту  была Рушчанского новела закона о підпорі роботы з молодежов, діюча од зачатку 2020-го рока, котра молодежніцькы парламенты як порадны орґаны містьскых самосправ імплементувала. Чісло членів гуменьского молодіжного парламенту было становлене на 24. О його членьство ся можуть претендовати молоды люде до 30 років, котры в місті штудують або в нім мають тырвале перебываня. (TASR, Pkf)