Шпиталь з поліклініков св. Якуба в Бардійові мать новы амбуланції захранной здравотной службы (ZZS). Діректор шпиталя Маріян Петко повів, же єдну з найвекшых інвестицій за послідні рокы ся їм подарило зреалізувати завдякы еврофондам. Новы амбуланції одовздали до хоснуваня рятовникам у вівторок. Проєкт  шпиталь фінанцовав з Інтеґрованого реґіоналного операчного проґраму. Цілкова сума проєкту по верейнім обстараваню была скоро 725.000 евр, причім дотація з европскых фондів є у вышці 571.000 евр. Десять процентів зафінанцовав штат і решту 52.000 евр самый шпиталь. Цільом споминаного проєкту є підпора технічного і матерялного выбавліня про даваня захранной здравотной службы в Бардійові і околиці. (TASR, Pkf)