Мадярьскы опозічны партії уж не хотять веце порушовати порядок в салі парламенту. Воличам хотять доказати, же суть способны владнути, написав у віторок лівіцьовый денник Népszava. В смыслі новелы авізованой владнов партійов Fidesz бы депутатам, котры порушать порядок в салі, грозили барз строгы фінанчны кары. Опозіція на сполочнім їднаню сконштатовала, же намісто радікалізації ці демонштратівного одходу з парламенту бы было ліпше справовати ся так, жебы воличі вірили, же знають владнути. Незалежны депутаты собі наопак думають, же радікалізм в парламенті є на місці, бо владна партія реаґує змінов порядку засідань якраз зо страху з політічных наслідків акцій опозіції в парламенті.

(Медвідь, TASR)