ПСК выробив реґіоналну стратеґію выховы і навчаня в середнїх школах на школьскый рік 2020/2021. Цілём є, жебы школы і навчаня не были одторгнуты од реалных потребностей заместнавателїв і высокых школ, але приспособлёвали ся їх потребностям і торгу роботы. Єднов з областей є і потребность выучбы зручных ремеселників і одборників, чому мать помочі і дуалне навчаня. Намагов є забезпечіти безпроблемове уплатнїня на торгу роботы. Окремов проблемов края є кількость школярїв на ґімназіях а уж довгодобо хыбаючі ремеселници, увів председа комісії школства при заступітельстві ПСК Маріян Даманкош. ,,Є ту і пропозіція, жебы сьме знижыли подїл ґімназістів з высше 31 на 29 процент. ,,Мали бы сьме зважовати, кілько хочеме ґімназістів. Мы сі відомо вылюднюєме наш край. Чім веце ґімназістів, тым веце высокошколаків, а згруба 50 процент тых высокошколаків ся уж никда не верне назад до нашых окресів. Грозить, же чім веце буде ґімназістів, тым менше буде жытелїв Пряшівского самосправного края,” доповнив ёго председа.

(Шутіова, KORZÁR)