x

Владный кабінет знова призначів грошы і про русиньскый реґіон

00

Вчера проходило дальше выїздове засіданя влады Словацькой републикы, тот раз в Кежмарку. Як інформувала аґентура TASR, владный кабінет знова роздільовав грошы. В Кежмарку ся вырішыло о тім, же фінанчны средства дістануть ся і до русиньского реґіону. Влада схвалила грошы про окрес Снина – пожычку єден міліон евр, на выпрацюваня проєктовой документації про выбудованя енвіроменталной інфраштруктуры в окресі, про Музей модерного уменя Енді Варгола в Меджілабірцях суму 7,1 міліона евр, за котру ся Варголів музей перебудує. Фінанції ся будуть давати поступно. Першы два міліоны прийдуть до 31-го януаря 2020-го року, до 31-го януаря 2021-го року бы музей мав дістати дальшы штири міліоны, решта – 1,1 міліона евр, бы мала прийти до 31 – го януаря 2022-го року. Грошы были одобрены і про село Калинів, першому освободженому селу в бывшій Чехословакії,  на ревіталізацію публічного простору коло памятника Освободжіня а то суму 50 тісяч евр. (Pkf)