Москва у своїм меморандумі, якый дотулять ся мірного закінчіня войны на Україні пожадує цілкове стягнутя україньскых озброєных сил із штирьох теріторій, котры поважує за свої. Інформовала о тім аґентура ТАСС, котра публіковала копію меморандума. Москва в нім жадать так само зорґанізованя новых презідентьскых і парламентных волеб на Україні ці заставліня додавок зброї зо западных країн. Подля аґентуры AFP тот меморандум потвердив максималістічны претензії Росії на штири частково окупованы україньскы области – Донецьку, Луганьску, Запоріжску і Херсоньску. Українці бы ся з них мали стягнути до 30 днів од підписаня переміря. Москва так само жадать меджінародне признаня Криму як части Росії. Документ Росія передала Україні в понедільок почас другого кола прямых переговорів у Істанбулі.

(Медвідь, TASR)